web analytics
You are here
comman අයාලේ ගිය සිතුවිලි 

-සැලලිහිණි සංදේශය- නිව් වර්ෂන්.

එන විට කැලණි නගරය වෙත පියා සලා
දුම් රොටු ගෑස් ඇත පවනට මුදා හෙළා
නාසය වසාගෙන තටුවෙන් පමා වෙලා
සැලලිහිණියා පැමිණුණි කළු පාට වෙලා

මේ බර හසුන ගෙන හිස පිරි මදින්නට
නැත ඇඹණියක් එනතුරු මග බලන්නට
හැමගෙම සුන්දරිය අඳුරෙහි විටින් විට
සැරසෙයි පැයක් ඔහු හට තනි රකින්නට

ඉගිලෙන අතර සුවිසල් නුග සෙවණ වෙත
හමුවුණ මිතුරු කැල විගසින් වනා අත
පෙන්වා තමන් ලද මාසික වැටුප් පත
අමතන ලදී සැනහෙන්නට සුරා විත

ටෙලි නාටකය සාලය මැද රැව් දෙන්නා
සැලලිහිණියා ඒ හඬ අහගෙන උන්නා
අඹ මාළුව ඉදී ලිප උඩ රොස් වෙන්නා
කියමින් පුතෙකු මව වෙත බෙරිහන් දුන්නා

ඔහු පසු කරන තව නිවසකි වීදි කොනේ
අඹු සැමි හබයකට සැරසෙන ලකුණු පෙනේ
මොන කරුණකට බිඳ ගත්තද බැඳපු සෙනේ
මණි අක් රජුන්ගෙන්දෝ ගති උරුම උනේ

දුටු එම දසුන් බිඳවා සැලලිහිණි තෙද
සසැලී මැරී වැටුණා බිම පැලී හද
අවසිහියකින් මෙන් මහමග යනෙන ලද
ලක් වී තිබුණි මගියෙකු පා පහරටද

සඳමාලි ගමගේ

Related posts

Leave a Comment